Accessibility links

Hindistanda qasırğaya görə 1 milyon insan təxliyə olunub


Güclü yağışlarla müşayiət edilən və küləyin sürəti saatda 205 kilometrə çatan beşinci kateqoriyaya aid Fani qasırğası Hindistanın şərq sahillərinə çatıb.

Qasırğa cümə günü səhəri Odişa sahillərinə vurub. Bir milyondan çox insan hökümətin xəbərdarlıqlarından sonra evakuasiya olunub. Rəsmilərin sözlərinə görə, onlar daha bir neçə min əhalini təxliyə etməyi planlaşdırır.

Qasırğadan öncə bir milyondan çox insan Odişa ştatından köçürülüb.
Qasırğadan öncə bir milyondan çox insan Odişa ştatından köçürülüb.

Odişa ştatının mərkəzində küləyin ağacları, elektrik dirəklərini yerindən qopardığı xəbər verilir. Aeroport, məktəblər və kolleclər bağlanıb.

Qonşu Qərbi Benqal ştatı da aeroportunu bağlayıb.

Hindistanda qasırğa mövsümü apreldən dekabra qədər çəkə bilər. Bu dövrdə tufan sahil şəhərlərində güclü dağıntılar törədir, məhsula, əmlaka ziyan dəyir. Qonşu Banqladeş də bu təbii fəlakətdən ziyan görür.

İndi texnoloji nailiyyətlər meteoroloqlara havanı proqnozlaşdırmağa və hakimiyyətə tədbir görməyə imkan verir.

1999-cu ildə Odişada güclü qasırğa 30 saat ərzində 10 min nəfərin həyatına son qoymuşdu. 2013-cü ildə isə bir milyonadək adam evakuasiya olunub və minlərlə adamın həyatı xilas edilib.

Dünyaya Baxış

Dünyaya Baxış. İranın yeni prezidenti İbrahim Rəisinin andiçmə mərasimi olub
please wait

No media source currently available

0:00 0:11:40 0:00

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG