Hələbcəyə qarşı kimyəvi hücum genosid kimi tanındı

İraq mətbuatının bildirdiyinə görə, ölkə parlamenti sabiq diktator Səddam Hüseynin kürd şəhəri Hələbcəyə qarşı kimyəvi hücumunun genosid kimi tanınması məsələsini səsə qoyub. İraq qanunvericiləri hücumun 23-cü ildönümü təklifi təsdiq edib. Hücum zamanı 5 min İraq kürdü qətlə yetirilmiş, 10 min insan yaralanmışdı. Səddam Hüseynin təyyarə və vertolyotları xardal və əsəb qazı ilə 1988-ci ilin mart ayının 16-ı Hələbcəyə hücum etmişdi. Hücum Ənfal adlanan kampaniyanın ən dəhşətli qətliamı hesab edilir.