Əfqanıstan prezidenti Həmid Karzay türmən həmkarı Qurbanqulu Berdiməhəmmədovla görüşüb. Tehran görüşü zamanı liderlər Əfqanıstan ərazisindən Pakistan və Hindistanın qazla təmini, Əfqanıstanı Orta Asiya ilə birləşdirən dəmir yol xətti və Türkmənistanın Əfqanıstanı enerji ilə təmin etməsi məsələlərini müzakirə edib. Berdiməhəmmədov cənab Karzayı may ayının axırına Aşğabada dəvət edib. Dünən Həmid Karzay İran prezidenti Mahmud Əhmədinejadla görüşüb, Əfqanıstanda təhlükəsizlik səlahiyyətlərinin əfqan qüvvələrinə verilməsini müzakirə edib. Əfqanıstan prezidenti və digər 18 ölkənin dövlət başçıları yeni il münasibəti ilə İrandadır. İran artıq ikinci ildir ki, Novruz şənliklərinə dünya ölkələrinin liderlərini dəvət edir.
