Accessibility links

Honq Konqda məktəblər etirazlar səbəbilə bağlanır


Honq Konq Təhsil Bürosu hökumət əleyhinə üsyan səbəbi ilə həftənin qalan hissəsində bütün ibtidai və orta məktəblərin bağlanacağını açıqlayıb.

Honq Konqda ən azı bir universitet artıq ardıcıl olaraq dördüncü iş günü davam edən şiddətli etirazlar səbəbilə cümə axşamı ilin sonunadək bağlı olacağını elan edib.

Çin Universiteti və Hong Kong üzrə digər kollec kampusları qalalara bənzəyir. Etirazçı tələbələr bu həftə şəhərciklərə basqın etməyə çalışan polisləri qarşısını almaq üçün barrikadalar qurublar.

"Bu vəziyyətə görə dərslərimiz onlayn kurslara dəyişdirildi. Düşünürük ki, materik bir az daha təhlükəsiz ola bilər. Bu vəziyyətə görə dərsə getmək bizim üçün çətindir və bu bizə müəyyən psixoloji təsir göstərdi", tələbə deyir.

"Bu sürreal idi. Məsələn, ətrafıma baxın. Dörd gün əvvəl buradakı supermarketə getdim və indi isə bura döyüş bölgəsidir. Bəli. Bu inanılmazdır", tələbə Sabrina Şats deyir.

Etirazlar əvvəlcə cinayət şübhəlilərinin Çində mühakimə olunmasına imkan verəcək bir ekstradisiya qanun layihəsi ilə başlayıb, lakin daha sonra Honq Konq üçün tam demokratiya tələblərinə çevrilib.

Honq Konqun İcraçı direktoru Keri Lam bazar ertəsi etirazçıları qınayaraq, Honq Konq hökumətinin zorakılığı dayandırmaq üçün nümayişçilərə "qondarma siyasi tələblər"ini qarşılaması vədini "arzuolunanı həqiqət" kimi göstərməsi adlandırıb.

XS
SM
MD
LG