Accessibility links

Macarıstan narahatlıqlar fonunda Avropa İttifaqının rotasiyalı liderliyini öz üzərinə götürür


Macarıstanın baş naziri Viktor Orban
Macarıstanın baş naziri Viktor Orban

Tənqidçilərin avtoritar, Rusiyaya dost bir hökumət kimi gördükləri ilə bağlı geniş narahatlıqlara baxmayaraq, Macarıstan "vicdanlı vasitəçi" olacağını vəd edərək, bazar ertəsi Avropa İttifaqının rotasiyalı sədrliyini təhvil alır.

2010-cu ildən bəri ölkəni idarə edən və bu Mərkəzi Avropa ölkəsini "qeyri-liberal demokratiyaya" çevirməyi hədəfləyən millətçi baş nazir Viktor Orban qanunun aliliyi və insan haqları məsələlərində Brüssellə tez-tez qarşı-qarşıya gəlir.

O, həm də Ukraynanı işğal etməsinə baxmayaraq, Rusiya ilə əlaqələri qoruyub saxlayan yeganə Avropa lideridir. Orban Kyivə silah göndərməkdən imtina edib və müharibəyə görə Moskvaya qarşı tətbiq edilən sanksiyaları dəfələrlə tənqid edib.

Keçən il Avropa Parlamenti Macarıstanın demokratik dəyərlərdən "geri çəkildiyini" vurğulayan və blokun altı aylıq sədrliyini "etibarlı şəkildə" üzərinə götürə biləcəyini şübhə altına alan qətnamə qəbul edib.

Budapeşt 27 ölkənin blokuna rəhbərlik edən "vəzifə və məsuliyyətləri" öz üzərinə götürməyə hazır olduğunda israr edir.

Macarıstanın Avropa İttifaqının işləri üzrə naziri Yanoş Boka iyunun ortalarında prezidentlik proqramını açıqlayarkən "Biz bütün üzv dövlətlər və qurumlarla sədaqətlə işləyən vicdanlı vasitəçi olacağıq" deyib.

"Eyni zamanda, biz inanırıq ki, Macarıstanın Avropanın güclü siyasətini yürütmək üçün güclü mandatı var. Bizim işimiz Avropanın baxışlarını əks etdirməkdir" - deyə, o əlavə edib.

Macarıstanın proqram şüarı? "Avropanı yenidən möhtəşəm et"dir. Orban "yaxşı dostu" keçmiş ABŞ prezidenti Donald Trampın Brüsseldə artıq səs-küyə səbəb olan sözlərini təkrarlayıb.

Macarıstan sonuncu dəfə 2011-ci ildə Avropa İttifaqına sədrlik edəndən sonra Orban Avropa Parlamentinə "həyəcanlı işgəncəçilərinə" "çırtma" və "dost sillələri" vurmaqla öyünürdü.

Bu dəfə 61 yaşlı millətçi lider daha mübariz mövqe sərgiləyərək iyunun əvvəlində Avropa seçkilərinə kampaniya zamanı sağçı qüvvələrin mümkün qələbəsinə eyham vuraraq "Brüsseli zəbt" edəcəyini bildirib.

Lakin ifrat sağçı partiyalar nailiyyət əldə etsələr də, Orbanın "Fidesz" partiyası hazırda təcrid olunmuş vəziyyətdədir və Avropa Parlamentində özünə uyğun qrup tapa bilmir.

Bazar günü Orban Avstriyanın ifrat sağçı "Azadlıq Partiyası" (FPOe) və Çexiyanın keçmiş baş naziri Andrey Babişin mərkəzçi "ANO" partiyası ilə birlikdə öz qrupunu yaratmaq istədiyini açıqlayıb.

Onlara hələ də ən azı dörd ölkədən olan partiyaların qoşulması lazımdır.

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG