Accessibility links

İmran Xan: Pakistan hər zaman Kəşmirin yanındadır


Pakistanda minlərlə insan Hindistanın nəzarətindəki Kəşmirin xüsusi statusunu ləğv etməsinə dair son qərarına etiraz olaraq cümə günü küçələrə çıxıb.

Günorta saatlarında dövlət mediasında Pakistan və Kəşmirin himnləri səsləndirildiyi üçün ölkə daxilində nəqliyyat bir neçə dəqiqəlik dayanıb.

Kəşmirlilər azadlıq əldə etməyincə, biz onlarla birlikdə olacağıq.

"Bu gün buradan verilən mesaj budur: Kəşmirlilər azadlıq əldə etməyincə, biz onlarla birlikdə olacağıq," deyə baş nazir İmran Xan paytaxt İslamabadda toplaşan izdihama deyib.

Hindistanın bu addımı bir çox yerlərdə komendant saatı və milyonlarla kəşmirlinin işıqlarının kəsilməsi ilə müşayiət olunub. Hindistan mediasının verdiyi xəbərə görə, son günlərdə 4000-ə yaxın siyasi lider, fəal və vətəndaş cəmiyyəti nümayəndəsi həbs olunub.

Hindistan hökuməti Kəşmirdəki hərəkətlərinin bölgənin inkişafı üçün vacib olduğunu bildirir və hər kəsə faydalı olacağını deyir.

Pakistanda etirazçılar Narendra Modinin maketini yandırır. Pişəvər, Pakistan. 30 avqust, 2019.
Pakistanda etirazçılar Narendra Modinin maketini yandırır. Pişəvər, Pakistan. 30 avqust, 2019.

Hindistanın Kəşmirlə əlaqəli hərəkətləri İmran Xanı Hindistanın baş naziri Narendra Modi hökumətini dəfələrlə faşist və supremasist kimi təsvir etməyə sövq edib.

Xan həmçinin Modi hökumətini Nasist Almaniyası ilə müqayisə edib və Modinin hərəkətlərinin həm Pakistan, həm də Hindistandakı dini azlıqlar üçün bir təhlükə yaratdığını bildirib.

Həm Hindistan, həm də Pakistan Kəşmirə iddialıdır və bölgəyə nəzarət uğrunda iki dəfə müharibə edib. Təmas Xətti olaraq bilinən Kəşmirin de-fakto sərhədində demək olar ki, hər gün atışmalar baş verir.

Şərhlərə bax

XS
SM
MD
LG