İranın xarici işlər naziri Məhəmməd Cavad Zərif mayın 25-də Azərbaycana səfər edəcək.
İranın Azərbaycandakı səfirliyinin məlumatına görə, səfər İran və Azərbaycan rəsmiləri arasında davamlı məsləhətləşmələr çərçivəsində baş tutacaq.
İranlı nazir Azərbaycanın yüksək vəzifəli şəxsləri ilə görüşəcək.
Səfirlik bildirir ki, səfər çərçivəsində ikitərəfli münasibətlər, regional və beynəlxalq məsələlər haqqında fikir mübadiləsi aparılacaq.
