Accessibility links

İran Azərbaycanında ‘Qarabağ bizimdir’ plakatını nümayiş etdirən vətəndaşın mağazası möhürlənib


İranın Şərqi Azərbaycan vilayətinin Nadarlı qəsəbəsində bir türk fəalın iş yerinin möhürləndiyi, iki fəalın isə İran polisinin kəşfiyyat şöbəsinə çağırıldığına dair məlumat yayılıb.

Güney Azərbaycan Televiziyasının (Günaz TV) bildirdiyinə görə, mağaza üzərində “Qarabağ bizimdir, bizim olacaq” şüarı yazılmış plakat ilə əlaqədar qapadılıb.

“Milli-mədəni fəal Aydın Hilalı mağazasının möhürlənməsinin səbəbini öyrənmək üçün İran polisinin ümumi məkanlara nəzarət bölməsinə (Əmakin) müraciət edib. Əmakin mərmurları möhürlənmənin keçən həftə qəsəbənin meydanında nümayiş etdirilən plakatla əlaqədar olduğunu söyləyiblər,” Günaz TV-nın saytında dərc edilib.

Amerikanın Səsinin bölgədə fəaliyyət göstərən hüquq müdafiəçilərindən əldə etdiyi məlumata görə, milli fəallar Murtuz Nurməhəmmədi və Hüseyn Əmani isə həmin plakatla əlaqədar İran polisinin kəşfiyyat şöbəsinə çağırılıblar.

Sentyabrın 29-dan bəri İran Azərbaycanı və türklərin yaşadığı digər bölgələrdə keçirilən Qarabağa dəstək mitinqləri ilə əlaqədar ən az 200 nəfərin nəzarət altına alındığı bildirilir.

Şərhlərə bax

XS
SM
MD
LG