Accessibility links

İran sanksiyaların ləğv olunması qarşılığında nüvə müqaviləsinə geri dönməyi təklif edir


Məhəmməd Cavad Zərif

İran cümə günü ABŞ-ın bu ölkəyə qarşı tətbiq etdiyi sanksiyaları ləğv edəcəyi təqdirdə dünya liderləri ilə razılaşdırdığı nüvə razılaşmasının şərtlərinə əməl edəcəyini elan edib.

Sanksiyalar keçmiş ABŞ prezidenti Donald Trampın 2018-ci ildə müqavilədən çıxmasından sonra tətbiq edilib. O vaxtan bəri iki ölkə arasında münasibətlər gərginləşib.

"ABŞ Tramp tərəfindən yenidən tətbiq edilmiş sanksiyaları qeydsiz-şərtsiz ləğv edəndən dərhal sonra biz bütün bərpaedici tədbirləri həyata keçirəcəyik. #CommitActMeet", deyə İranın Xarici İşlər Naziri Cavad Zərif Twitter-də yazıb.

Zərifin bunu ABŞ Prezidenti Co Bayden administrasiyasının Trampın Yaxın Şərq güdrətini təcrid etməyi hədəfləyən "maksimum təzyiq kampaniyasın"-dan uzaqlaşaraq 2015-ci il müqaviləsini canlandırmaq üçün danışıqlara qatılmağa hazır olduğunu söylədikdən bir neçə saat sonra bildirib.

Britaniya, Çin, Fransa, Almaniya, Rusiya və ABŞ 2015-ci ilin iyulunda o zamankı prezident Barak Obamanın vasitəçiliyi ilə İrandan iqtisadi imtiyazlar müqabilində nüvə proqramından ciddi şəkildə imtina etməsini tələb edən müqavilə imzalamışdılar.

Birgə Hərtərəfli Fəaliyyət Planı və ya JCPOA, BMT-nin Təhlükəsizlik Şurasının beş daimi üzvü (Britaniya, Çin, Fransa, Rusiya və Amerika Birləşmiş Ştatları) və əlavə olaraq Almaniya tərəfindən razılaşdırılıb.

Bayden administrasiyası cümə axşamı Trampın İrana qarşı BMT-nin tətbiq etdiyi bütün sanksiyalarının bərpa olunmasına dair qərarını ləğv edib,bundan əlavə İranın BMT-ə təyin olunmuş diplomatlarının səyahətinə tətbiq olunan sərt məhdudiyyətləri yumşaldıb.

İran daha öncə bildirmişdi ki, ABŞ sankiyaları fevralın 23-ə qədər ləğv eməlidir, əks təqdirdə Beynəlxalq Atom Enerjisi Agentliyi tərəfindən qısa müddətli yoxlamaları qadağan edəcək.

Dünyaya Baxış

Dünyaya Baxış. Blinken Avropa müttəfiqləri ilə danışıqlar üçün Almaniyadadır
please wait

No media source currently available

0:00 0:14:30 0:00
XS
SM
MD
LG