Accessibility links

İspaniyada iki gündə 300 miqrant xilas edilib


İspaniyanın dəniz xilasetmə xidmətindən verilən məlumata görə, Milad Günü 200 əldəqayırma qayığın İspaniya sahillərində xilas edilməsindən sonra cümə axşamı təxminən daha 100 miqrant xilas edilib.

Onların yarısından çoxu İspaniyanın cənub-şərq sahilində yerləşən Kosta Blankada tapılıb. Səhər saatlarında 10 nəfər xilas etmək mümkün olub, onların arasında 8 kişi, bir qadın və bir uşaq var.

Daha sonra xilasedicilər Torrevyexa yaxınlığında bir gəmidə 16 nəfəri xilas ediblər, digər 12 nəfər isə Benidorm sahillərindən 45 kilometr (27 mil) uzaqlıqda yerləşən Şabia kənarındakı bir bataqlıqdan xilas edilib.

İspaniyanın cənub sahillərində, Almeriya yaxınlığındakı Kabo de Qata kənarındakı sularda daha 17 nəfərin həyat təhlükəsini sovuşdurmaq mümkün olub. Eyni zamanda Motril bölgəsindəki "şişmə oyuncaq gəmisi"ndə bir nəfər həyatını itirib, digəri isə dəniz xidmətinin işçiləri sayəsində sağ qalıb.

Mətbuat katibi daha 39 nəfərin Kanar adalarındakı Fuerteventuranın cənub-qərb tərəfindəki Punta Candia sahilinə çatdığını bildirib.

Xilas olanların milliyyəti barədə dərhal məlumat verilməyib.

Milad günündə İspaniya və Mərakeş sahillərində bir sıra ayrı-ayrı əməliyyatlarda 200 nəfər xilas edilib. Onlardan təxminən 120 nəfər Mərakeşdən Zaffarin adaları və Alboran kiçik adası ətrafında tapılıb.

İspaniyanın cənub-şərq sahillərində, Cəbəllütariqdən kənarda və Kanar adaları yaxınlığında bir neçə başqa cəsəd tapılıb.

BMT-nin Beynəlxalq Miqrasiya Təşkilatı dekabrın 20-də verdiyi açıqlamasında bildirib ki, bu günə qədər ən azı 1250 kişi, qadın və uşaq Aralıq dənizi üzərindən Avropaya çatmaq cəhdləri uğursuz olub.

Şərhlərə bax

XS
SM
MD
LG