Accessibility links

İsrail gey qanunvericilərin sayına görə dünyada 4-cü yerdədir


İsrail parlamentinə açıq homoseksual qanuvericinin and içməsi ilə bu ölkə rekord sındırıb. Dini mühafizəkarların etirazına baxmayaraq, İsrail LGBT hüquqları üzrə regionda birincilik qazanıb.

Ağ və Mavi Partiyasının üzvü Yorai Lahav Hertzanu 120 yerlik Knessetə qoşulan sonuncu gey nümayəndədir. Hazırda onların sayı parlamentdə 6 nəfər təşkil edir.

Baş nazir Benyamin Netanyahunun Likud Partiyası da daxil edilməklə, hamısı kişi olan bu qanunvericilər İsrailin siyasi spektrində yer alan partiyaları təmsil edir.

İndi İsrail parlamentinin 5 faizini geylər təşkil edir. Bu ölkə Britaniya (8.1%), Lixtenşteyn (8%), Sotlandiyadan (7.7%) sonra parlamentdə homoseksual qanunvericilər baxımından 4-cü yeri tutur.

İsraildə ilk gey qanunverici Uzi Even olub ki, o da parlamentə 2002-ci ildə seçilib.

Ötən il Gey Paradı öncəsi baş nazir Natanyahu ilk açıq homoseksual şəxsi nazir vəzifəsinə təyin etmişdi.

Tel-Əvivdə təşkil edilən illik Gey Paradına dünyadan çoxsaylı insan qatılır. Qüdsdə isə bu kimi paradlar ağır polis mövcudluğu ilə keçirilir.

Belə ki, 2015-ci ildə parad zamanı ifrat ortodoks yəhudinin Şira Banki adlı yeniyetməni bıçaqlayaraq öldürməsindən sonra təhlükəsizlik tədbirləri gücləndirilib.

Bu il isə pandemiya səbəbi ilə şəhərlərdə paradlar təxirə salınıb.

Şərhlərə bax

XS
SM
MD
LG