İsveçrənin Alp dağlarında baş verən təyyarə qəzasında 20 nəfər ölüb. İkinci dünya müharibəsi dövrünə aid pərli “Junkers-52” təyyarəsi avqustun 4-ü axşam saatlarında radardan itib. Bu barədə Reuters agentliyi yerli polisə istinadla xəbər verir.
Təyyarə JU-AİR şirkətinə məxsusdur. Şirkət təyyarə ilə ekskursiyalar təşkil edirmiş. Şirkət uçuşları müvəqqəti dayandırıb,qəzanın səbəbi araşdırılır.
Məlumatlara görə, təyyarə təxminən 2500 metrlik yüksəklikdə dağa çırpılıb.
Xilasedicilər hadisə yerində iş aparırlar.
