Çin məhkəməsi insan haqları müdafiəçisinin apellyasiya müraciətini rədd edib

Çin məhkəməsi ölkənin ən tanınmış insan haqları müdafiəçisini dörd il həbs cəzasına məhkum edib.

Pekinin Ali məhkəməsi yanvar ayında ətrafına insan kütləsi toplamaqla ictimai əsayişi pozmaqda təqsirli bilinən insan haqları müdafiəçisi Hyu Ziyonqun apellyasiya müraciətini rədd edib.

Vəkil Hyu uşaqların təhsil hüquqları və rəsmilərin mülkiyyətləri barədə məlumatları açıqlamalarını tələb etmək məqsədi ilə kampaniya keçirib.

ABŞ, Avropa və bir neçə insan haqları təşkilatı ittihama etirazını bildirib.