Accessibility links

Britaniya səfiri İranı tərk edib


Dövlət mediasının çərşənbə günü verdiyi xəbərə görə, Britaniyanın Tehrandakı səfiri İran hakimiyyəti tərəfindən saxlanıldıqdan sonra ölkəni tərk edib.

Rob Makeyr yanvarın 11-də İranın vurduğu Ukrayna sərnişin təyyarəsindəki qurbanların anım mərasimində iştirak etdikdən sonra İranın təhlükəsizlik qüvvələri tərəfindən üç saat saxlanıb.

Yarı-rəsmi Tasnim xəbər agentliyi səfirin bir grup insanın Əmir Kəbir Universiteti önündə toplaşdığı zaman "şübhəli və təhrikedici hərəkətləri ilə əlaqədar olaraq" saxlanıldığını bildirmişdi.

Britaniyanın Xarici İşlər Naziri Dominik Raab isə ölkəsinin Tehrandakı səfirinin heç bir səbəb və açıqlama olmadan nəzarət altına alınmasının beynəlxalq hüququn kobud şəkildə pozulması olduğunu demişdi.

İranın rəsmi IRNA xəbər agentliyi diplomatın "xəbərdarlıq" verildikdən sonra sərbəst buraxıldığını bildirib.

Britaniya Xarici İşlər Nazirliyi Makeyrin Londona səfərinin "adi, işgüzar" səfər olduğunu və həbsindən əvvəl planlaşdırıldığını deyir.

"Səfirlərimizin Londona qayıdıb, burada görüşlər keçirmələri olduqca normaldır" - deyə, nazirlik bildirib.

İranın Xarici İşlər Nazirliyi Makeyrin hərəkətinin diplomatik normalara zidd olduğunu deyib və Britaniyaya "hər hansı yeni bir səhv" etməməsi üçün xəbərdarlıq edib.

Britaniya hökuməti səfirinin həbsinin beynəlxalq hüququn kobud şəkildə pozulması olduğunu deyərək, ciddi etirazını bildirib.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG