Accessibility links

İki partlayış İranın qaz boru kəmərlərini sarsıdıb, təchizatı dayandırıb


Rəsmilərin qaz kəmərlərində "təxribat və terror aktları" adlandırdıqları iki partlayış İranın üç vilayətində ofis və sənaye obyektlərində qaz təchizatının dayandırılmasına səbəb olub.

Fars, Çaharmahal və Bəxtiyari vilayətində baş verən partlayışlar rəsmilər tərəfindən təxribat aktı kimi qiymətləndirilib.

İranın Qaz Şəbəkəsi Dispetçer Mərkəzinin direktoru Səid Ağlı dövlət televiziyasına müsahibəsində partlayışların fevralın 14-də yerli vaxtla saat 1 radələrində baş verdiyini deyib və əlavə edib ki, ölkənin milli qaz xətləri hədəf alınıb, lakin heç bir itki yoxdur.

Cavab olaraq, Lorestan, Zəncan və Şimali Xorasan vilayətlərinin rəsmiləri yaşayış məntəqələrində qıtlığın qarşısını almaq üçün ofislər və sənaye obyektlərində qaz təchizatını kəsdiklərini elan edib. Şimali Xorasanın Böhran İdarəsi də ehtiyat tədbiri olaraq bütün təbii qaz yanacaqdoldurma məntəqələrini 24 saat müddətinə bağlayıb.

Borujen vilayətinin qubernatoru və Borujenin Yanğınsöndürmə İdarəsinin rəisi Fəttah Kərəmi partlayışın Borujen yaxınlığındakı "Halvaeyi aşırımı" ərazisində, milli qaz kəmərində baş verdiyini bildirib.

Fars vilayəti qubernatorunun siyasi-təhlükəsizlik üzrə müavini İsmayıl Qəzəlsəfli ikinci partlayışın Xürrəmbiddəki qaz kəmərində baş verdiyini bəyan edib. Ölən və yaralananlar olmayıb.

Rəsmilər təxribat kimi qiymətləndirdikləri partlayışların ilkin araşdırmalarında qaz kəməri infrastrukturuna qəsdən hücumlara işarə edildiyini bildirib.

Hadisələrə görə məsuliyyəti heç bir qrup öz üzərinə götürməyib.

Forum

Amerika İcmalı

Amerika İcmalı. ABŞ-Yaponiya əlaqələri. ABŞ-ın Azərbaycan-Ermənistan sülh prosesində rolu.
please wait

No media source currently available

0:00 0:30:13 0:00
XS
SM
MD
LG