Accessibility links

İranın Güləş Federasiyasının rəhbəri istefa verib


İranın Güləş Federasiyasının rəhbəri hakimiyyəti tənqid edəndən sonra istefa verib. Səbəb israilli rəqiblərlə yarışmalara qoyulan qadağa üzündən atletlərin cəzalandırılmasıdır.

Fevralın 28-də federasiyanın veb saytında dərc olunmuş məktubda Rəsul Xadem vəzifədən getməyə məcbur qaldığını yazıb, “görünür, xoşagəlməz mentalitetimə görə alınmayacaq.”

Yalan danışa bilmirəm. Bəzən mövqe tutmağın ən yaxşı yolu müdafiə etməməkdir”, – o yazıb.

Olimpiya qızıl medalçısı olan Xadem iki ay öncə yenidən Güləş Federasiyasının prezidentliyinə seçilib.

Onun istefa xəbərindən sonra sərbəst güləş və yunan-roma güləşi üzrə şura üzvləri də kütləvi istefa verdiklərini açıqlayıblar. Bu haqda yarı-rəsmi ISNA agentliyi xəbər yayıb.

İran İsrail dövlətini tanımır və atletlərinə israillilərlə yarışmağı qadağan edib.

“YALAN DANIŞMAĞA MƏCBUR OLMAYAQ”

Ötən ay Ümumdünya Birgə Güləş İntizamı Palatası iranlı Əlireza Kərimi Məşianini yarışlardan altı aylığa uzaqlaşdırıb. Səbəb onun noyabrda israilli rəqiblə qarşılaşmamaqdan ötrü yarışa getməməsi idi. Məşqçisi Həmidreza Cəmşidiyə iki illik qadağa qoyulub.

Bu qərardan sonra Xadem İran hakimiyyətini israilli opponentlərlə yarışlarla bağlı mövqeyinə görə tənqid edib. O, problemin “fundamental həlli”nə çağırıb, deyib ki, “atleti məğlubiyyətini qəbul etməyə, yaxud arayış almaqdan ötrü bütün gecəni həkim axtarmağa vadar etmək düzgün deyil”.

Bu şəraitdə işləməyə hazır deyilik”, – İranın sərbəst güləş şurasının üzvü İbrahim Cavadi ISNA agentliyinə deyib.

İran rəsmiləri “qəbul etdikləri qərarları beynəlxalq qurumlara açıqlamalı, məsələni aydınlaşdırmalıdırlar ki, yalan danışmağa məcbur olmayaq”, – Cavadi söyləyib.

Güləş İranda populyar idman növüdür. 1979-cu il islam inqilabından bəri onlarla atlet israillilərə yarışları boykot edir.

XS
SM
MD
LG