İran rəsmisi kompyuter virusunun ABŞ və İsraildən gəldiyini deyib

İranın mülki müdafiə agentliyinin başçısı Qulam Reza Cəlali deyib ki, Tehranın nüvə proqramına əngəl törədən kompyuter virusunun arxasında ABŞ və İsrail durur. Dövlət mətbuatı ona istinadən xəbər verib ki, təhqiqat və araşdırmalar Stuxnet virusunun ABŞ və İsraildə yaranıb. Qulam Reza Cəlalinin sözlərinə görə, virus informasiya toplayıb, sonra onu bu iki ölkədə veb səhifələrinə ötürmüşdür. Təhlilçilər keçən il kompyuterdə meydana gəlmiş virusun Buşehr nüvə elektrik stansiyasını hədəf aldığını düşünür. Virus stansiyada əməliyyatların dayanmasına səbəb olmuşdu. Bununla belə, İran rəsmiləri virusun nüvə elektrik stansiyasının əsas sistemlərinə zərər verə bilmədiyini bildirir.