İraq polisinin dediyinə görə Kərkük şəhərində üç avtomobildə yerləşdirilmiş bombaların ardıcıl partlaması nəticəsində azı 25 nəfər yaralanıb. Bombalar bu gün səhər etnik azlıqlardan ibarət şəhərin kürdlər yaşayan hissəsində baş verib. Bu ərazi ərəb, türkmən və kürdlərin mübahisə nöqtəsidir. Kərkük Bağdaddan 240 kilometr məsafədə, İraqın neftlə zəngin şimal regionunda yerləşir. Kürdlərin Kərkükü yarı-muxtar regiona çevirərək İraq Kürdüstanına birləşdirmək cəhdi etnik qruplar arasında gərginliyə səbəb olub.
Iraqda ardıcıl bomba partlayışları nəticəsində azı 25 nəfər yaralanıb
Bombalar bu gün səhər etnik azlıqlardan ibarət şəhərin kürdlər yaşayan hissəsində partlayıb