Accessibility links

İsrail ordusu İordan çayının qərb sahilindəki qaçqın düşərgəsində reyd keçirib, qarşıdurma zamanı 2 fələstinli öldürülüb


Fələstinin Səhiyyə Nazirliyinin bildirdiyinə görə, İsrail qüvvələri cümə axşamı səhər saatlarında işğal altındakı İordan çayının qərb sahilindəki qaçqın düşərgəsinə basqın edib. Nazirlik atışma zamanı iki fələstinlinin öldüyünü, 15 nəfərin yaralandığını bəyan edib.

İsrail ordusu İordan çayının qərb sahilindəki başqa bir insident zamanı bir fələstinlinin avtobusda 28 yaşlı israillini bıçaqladığını və yaxınlıqdakı insanlar tərəfindən öldürüldüyünü bildirib. Magen David Adom təcili yardım xidməti bıçaqlanan şəxsə tibbi yardım göstərildiyini və xəstəxanaya aparıldığını deyib.

İnternetə yerləşdirilən videoda arxa fonda atəş səsləri gəldiyi Cenin qaçqın düşərgəsinin mərkəzindən tüstü qalxdığını görmək olub. Digər videolarda isə İsrail əsgərləri və fələstinli silahlıların dar küçələrdəki hərəkəti nümayiş etdirilib.

Reyd Cenin yaxınlığındakı kənddən olan bir fələstinlinin İsrailin mərkəzində beş nəfəri öldürməsindən iki gün sonra baş verib ki, bu da son günlərdə ümumilikdə 11 nəfərin ölümünə səbəb olan hücumlar dalğasının bir hissəsidir.

Fələstin Səhiyyə Nazirliyi 17 yaşlı Sənad Əbu Atiye və 23 yaşlı Yezid Əl-Səadinin öldürüldüyünü, belə görünür bıçaqlanma hadisəsinə istinad edərək, 30 yaşlı Nidal Cəfərənin İordan çayının qərb sahilindəki Beytlehem şəhəri yaxınlığında güllələnərək öldürüldüyünü bildirib.

İsrail ordusu bildirib ki, əsgərlər şübhəliləri həbs etmək üçün Ceninə daxil olduqdan sonra atəşə tutulub. Bildirilir ki, bir əsgər yaralanıb və xəstəxanaya aparılıb.

Cenin qaçqın düşərgəsi fələstinlilərin ikinci qiyamının ən qanlı döyüşlərindən birinə səhnə olub. 2002-ci ilin aprelində İsrail qüvvələri ilə düşərgədəki fələstinli militantlar arasında təxminən üç həftə döyüş gedib. BMT-nin məlumatına görə, qarşıdurma zamanı 23 İsrail əsgəri və mülki vətəndaşlar da daxil olmaqla, azı 52 fələstinli həlak olub.

İşğal olunmuş İordan çayının qərb sahilinin bəzi hissələrini idarə edən və təhlükəsizlik məsələlərində İsraillə koordinasiya edən Fələstin Administrasiyasının son illər Cenin üzərində nəzarətinin azaldığı görünür. Şəhər və qaçqın düşərgəsi, eləcə də onun ətrafında fəaliyyət göstərən İsrail qüvvələri tez-tez atəşə tutulur.

İslami Cihad yaraqlı qruplaşması cümə axşamı keçirilən əməliyyatdan sonra "ümumi səfərbərlik" elan edib.

Dünyaya Baxış

Dünyaya Baxış.Rusiya məktəbində 11-i uşaq olmaqla, 15 nəfər qətlə yetirilib
please wait

No media source currently available

0:00 0:13:09 0:00
XS
SM
MD
LG