Azərbaycanda Ümumxalq Matəm Günüdür. Səhər saatlarından başlayaraq on minlərlə insan 1990-cı il yanvarın 20-də şəhid olanların xatirəsini anmaq üçün Şəhidlər Xiyabanına gəlib.
Mərasimdə prezident İlham Əliyev və digər rəsmi şəxslər, diplomatik korpusların nümayəndələri iştirak edib. İctimai Palatanın üzvləri, digər siyasi, ictimai qurumların təmsilciləri də Şəhidlər Xiyabanını ziyarət edib.
Ölkə məscidlərində 20 Yanvar qurbanlarının xatirəsi ilə bağlı tədbirlər keçirilib. Bu gün telekanalların efirində əyləncəli verilişlər yayımlanmır. Bakı metropolitenində matəm musiqisi çalınır, stansiyalarda və eskalatorlarda qırmızı qərənfillər qoyulub.
Bakı vaxtı ilə saat 12-də ölkə ərazsində şəhidlərinin xatirəsinə ehtiram olaraq hərəkət 1 dəqiqəlik dayanıb. Nəqliyyat vasitələri, Bakı buxtasındakı gəmilər, metro və yerüstü qatarlar fit verib.
20 Yanvar - Ümumxalq Matəm Günü münasibətilə Azərbaycanın xarici diplomatik korpuslarında, dövlət qurumlarında, hərbi hissələrində və gəmilərdə dövlət bayraqları endirilib.
Azərbaycan 20 Yanvar şəhiddlərinin xatirəsini anır
