Avqustun 18-də kirayə qaldığı mənzildə polis tərəfindən saxlanılan publisist Kəramət Böyükçöl bu gün sərbəst buraxılıb. Bu barədə onun atası Qəşəm Nəcəfzadə məlumat verib.
Onun sözlərinə görə, Kəramət inzibati məsuliyyətə cəlb olunmayıb.
Daxili İşlər Nazirliyi onun saxlanılmasının səbəbinin qonşuların səs-küydən şikayəti olduğunu bildirmişdi.
Kəramət Böyükçöl Facebook səhifəsində hökuməti kəskin tənqid edən statuslar yazır.
Böyükçöl 2020-cu ilin 9 fevralında keçirilən parlament seçkilərində deputatlığa namizəd olub. O, bir neçə kitab müəllifidir.
