San Fransisko şəhərinin şimalında yanğınlar təqribən 82 min hektarlıq sahəni bürüyüb.
Yanğınlarla mübarizəyə xarici yanğınsöndürənlər və məhkumlar da daxil edilməklə, 14 min yanğınsöndürən cəlb edilib.
Kaliforniyanın ölümcül yanğınlara görə üç həftəyə yaxındır bağlı olan turistlərin ən çox ziyarət etdiyi Yosemite Milli Parkı yenidən açılıb.
Havanın keyfiyyəti çox dəyişib. Tez-tez bu barədə uşaq məktəblərinə xəbərdarlıq göndərilir.Zərifə Musayeva
Lakin ağır tüstü görüntünü çətinləşdirir və parkın ən cəlbedici hissələri olan şəlalə, qranit nəhəngləri Half Dome və El-Capitan hələ də bağlıdır.
Kaliforniyanın cənub bölgəsində yanğınlar 85 kvadrat metrlik ərazini bürüyüb.
Havadan evlər üzərinə yanğından qoruma maddələri səpilib. 20 mindən çox sakin evakuasiya edilib.
Bir çoxları təngənəfəslik, öksürək və gözlərin yanması kimi hallar yaşayır. Evlərini yanğından qorumağa çalışan Kaliforniya sakinləri toksik dumandan da xilas olmağa cəhd edir.
Kaliforniyadakı Azərbaycan Mədəniyyət Cəmiyyətinin fəal üzvü Zərifə Musayevanın dediyinə görə, həkimlər insanlara yanğınlardan uzaq olsalar belə maska taxmağı məsləhət görür.
Ümumilikdə Kaliforniya boyu onlarla yanğın fələ də fəaldır və bu, ştat tarixində ən ağır yanğın mövsümüdür.
Rəsmilər yanğınların tam söndürülməsinin sentyabr ayınadək davam edəcəyini bildirir.
