Accessibility links

Kanada Taliban tərəfindən hədəf alınan 20 min əfqan qaçqınını qəbul edəcək


Şimal əyalətlərindən məcburi köçən əfqanlar

Cümə günü Kanada Taliban tərəfindən təhlükə ilə üzləşən hökumət işçiləri və digərləri daxil olmaqla, 20.000 -ə qədər əfqan qaçqını qəbul edəcəyini söyləyib.

İmmiqrasiya naziri Marko Mendicino mətbuat konfransında "Əfqanıstandakı vəziyyət ürək ağrıdır və Kanada buna səssiz qalmayacaq" deyib.

Qəbul olunan qaçqınlara hələ də ölkədə olan və ya qonşu dövlətlərə qaçmış "xüsusi həssas" qruplar daxil olacaq, qadın liderlər və hökumət işçiləri ilə yanaşı insan haqları müdafiəçiləri, təqib olunan azlıqlar və jurnalistlər də bu siyahıya daxildir.

Mendicino bildirib ki, sığınacaq axtaran əfqanlarla dolu təyyarələr artıq yola düşüb və birincisi cümə günü Torontoya enib.

Taliban paytaxta doğru irəlilədikcə Kanada rəsmiləri bildirib ki, Kanada xüsusi təyinatlıları səfirliyinin işçilərini Kabildən havaya qaldırmaq üçün xüsusi bir plan hazırlayıb, lakin təhlükəsizlik əməliyyatının həssas olması səbəbindən detallar açıqlanmayıb.

Cümə günü İspaniya, Danimarka, Norveç və Hollandiya da daxil olmaqla, bir çox ölkələr işçilərini müvafiq səfirliklərindən çəkdiklərini elan edib.

Kanada Əfqanıstandakı vəziyyəti yaxından izlədiyini və oradakı müttəfiqləri ilə çalışdığını bildirib.

Xarici işlər naziri Mark Qarneau "Kanada səfirliyini və işçilərimizi qorumaq bizim prioritetimizdir", deyə bildirib.

O, Twitter -də Kanadanın "əfqanlara minnətdarlıq borcu olduğunu və onların təhlükəsizliyi üçün səylərini davam etdirəcəyini" yazıb.

Amerika İcmalı

Amerika İcmalı - 24 Sentyabr 2021
please wait

No media source currently available

0:00 0:28:23 0:00
XS
SM
MD
LG