Kenya prezidenti Mvai Kibaki bugünkü açıqlamasında Üsama bin Ladenin öldürülməsini 1998-ci il Nairobidə ABŞ səfirliyinə terror hücumu qurbanları üçün ədalətin zəfəri adlandırıb. Kenya prezidenti çıxışı zamanı bin Ladenə qarşı keçirilən əməliyyatlarda iştirak edənlərin hamısına minnətdarlığını bildirib.
1998-ci ildə Kenyanın paytaxtında 200 nəfərdən çox insanın ölümü, minlərlə insanın yaralanmasına səbəb olan ABŞ səfirliyinə edilən bomba hücumunun məsuliyyətini Əl-Qaidə öz üzərinə götürmüşdü. Demək olar ki, eyni zamanda Tanzaniyadakı ABŞ səfirliyinə edilən hücum vaxtı 11 nəfər ölmüşdü.