Keniya hökumətinin sözçüsü deyib ki, cümə axşamı səhər saatlarında Nayrobidə bazarı bürüyən alov təxminən 15 nəfərin ölümünə, 70 nəfərin yaralanmasına səbəb olub.
Gikomba adlı bazarda alov söndürülsəd ə, rəsmilər alovun səbəb olduğu dağıntılar altında daha çox insanın qaldığından narahatdır.
“Biz sahəni təmizləməyə çalışırıq. Biz yanmış ərazilərdə insanların olmamasından əmin olmaq istəyirik”- deyə, Keniya hökumətinin sözçüsü bildirib.
Yanğınsöndürənlər Keniyanın paytaxtında baş vermiş yanğının səbəb olduğu ərazidə alovu söndürməyə saatlarla zaman sərf edib.
Bəzi yaşayış məntəqələrinə də yayıldığı deyilən yanğının səbəbi araşdırılır.