Azərbaycan Dövlət Gömrük Komitəsinin Akademiyasının sorğusuna cavab olaraq ABŞ-ın Azərbaycandakı səfirliyi inkişaf və liderlik bacarıqları, o cümlədən İngilis dilinin öyrənilməsinə aid dünyanın ən çox satılan kitab toplumunu təqdim edib.
ABŞ səfirliyinin məlumatına görə, səfirliyin müvəqqəti işlər vəkili Vilyam Gil mayın 2-də Dövlət Gömrük Komitəsi Akademiyasının rəisi İsmayıl Ələkbərov ilə birlikdə akademiyada keçirilən tədbirdə iştirak edib.
“Kitabların ianə edilməsi insanların Birləşmiş Ştatlar, Amerikanın tarixi, mədəniyyəti və dəyərləri haqqında maarifləndirməyə yönəlmiş və ABŞ hökuməti tərəfindən dəstəklənən American Shelves layihəsinin təşəbbüsü idi”, məlumatda qeyd edilir.
