ABŞ Konqressinin yeni seçilmiş Somalidən olan müsəlman üzvü həm respublikaçılar, həm də demokratların tənqidlərindən sonra anti-semitizm hesab olunan şərhlərinə görə üzr istəyib.
Minnesotadan Konqres üzv İlhan Ömər lobbicilik qrupu Amerika-İsrail İctimaiyyətlə Əlaqə Komitəsinin yəhudi dövlətini dəstəkləmək üçün qanunvericiləri satın aldığına dair tvit yazıb.
Ömər bazar ertəsi günü bildirib ki, o, heç vaxt bütövlükdə yəhudi amerikalıları təhqir etməyi düşünməyib.
Prezident Donald Tramp isə düşünür ki, İlhan Ömərin üzrxahlığı kifayət qədər adekvat deyil.
İsrailin fələstinlilərə münasibətinə təzyiq göstərməsi üçün yaradılan BDS (boykot, bölünmələr və sanksiyalar) hərəkatının dəstəkçisi Ömərin İsraillə bağlı şərhləri böyük tənqidlərə səbəb olub.
