Şimali və Cənubi Koreya bildirir ki, iki ölkə fevralın 8-də birbaşa hərbi danışıqlara başlamaq barədə razılığa gəliblər.
Bu, Seulun danışıqlara fevralın 11-də başlamaq haqda təklifi etdiyi tarixdən 3 gün əvvəldir. Cənubi Koreya prezidenti Li Myunq-bak deyib ki, əgər danışıqlar qaydasında getsə və Şimali Koreya davranışını dəyişsə, o, 2007-ci ildən bəri ilk dəfə olaraq Kim Conq İllə görüşə bilər.
Panmuncom kəndi yaxınlığındakı sərhəddə aparılacaq danışıqlar keçən il noyabr ayında Şimali Koreyanın cənuba məxsus adaya hücum etməsindən sonra iki ölkə arasında ilk təkbətək görüş olacaq.