Accessibility links

Kreml apreldə Rusiya-Türkiyə-İran sammiti olacağını təsdiqləyir


Kreml apreldə Rusiya, İran və Türkiyə prezidentlərinin görüşəcəyini təsdiqləyib.

Vladimir Putin, Həsən Ruhani və Rəcəb Tayyib Ərdoğanın görüşəcəyi təsdiqlənsə də, görüşün yeri və vaxtı açıqlanmayıb.

Bəyanatı Kreml martın 7-də yayıb.

Hər üç ölkə Suriyadakı vətəndaş müharibəsində yaxından iştirak edir.

Türkiyənin Xarici İşlər Nazirliyi də martın 6-da bildirmişdi ki, liderlər apreldə görüşəcəklər.

Türkiyə və ABŞ rəsmilərinin isə martın 8-9-da Vaşinqtonda müzakirələr aparacağı gözlənir.

Danışıqlar iki ölkə arasında fikir ayrılıqlarının ünvanlanması məqsədilə keçirilməsi nəzərdə tutulan görüşlər silsiləsinin bir hissəsidir.

Müzakirələrin diqqət mərkəzində Türkiyə və ABŞ arasında gərginliyin əsas mənbəyi olan Birləşmiş Ştatların Suriyada İŞİD-ə qarşı mübarizədə kürd döyüşçülərin birləşməsi YPG-yə dəstəyi məsələsidir.

Ankara kürd döyşüçüləri Türkiyənin daxilində on illərdir silahlı üsyan aparan terrorçularla əlaqədar olmaqda ittiham edir. ABŞ isə YPG-ni İŞİD-ə qarşı mübarizədə effektiv tərəfdaş sayır.

Amerika İcmalı

Amerika İcmalı - 11 Sentyabr hücumlarının 20-ci ildönümü
please wait

No media source currently available

0:00 0:30:02 0:00
XS
SM
MD
LG