Əl-Qaidə üzvü olduğundan şübhəlinilərək həbs edilən müttəhim məhkəmə qarşısına çıxarılmazdan bir neçə gün öncə dünyasını dəyişib.
1998-ci ildə Afrikada ABŞ səfirliklərinə qarşı hücumlarda ittiham edilən Əbu Anas Əl-Libi hipatit C və ciyər xərçəngi xəstəliyindən əzab çəkirdi. O, dünən Nyu-York xəstəxanasında vəfat edib.
Yanvar ayının 12-də Əl-Libi və səudiyyəli Xalid Əl-Fəvvaz 200-dən artıq insanın həyatına son qoyan Kenya və Tanzaniya hücumlarına görə məhkəməyə çıxarılmalı idi.
Libinin vəkili onun səhhətinin son bir ay ərzində ciddi şəkildə ağırlaşdığını bildirib.
ABŞ-ın Federal Təhqiqiat Bürosu tərəfindən axtarışda olan Libi 2013-cü ildə Amerikanın xüsusi təyinatlı qüvvələri tərəfindən Tripolidə ələ keçirilmişdi.