NATO hökumət tərəfdarı qüvvələrin üsyançılarla döyüşlər apardığı Misrata şəhəri yaxınlığında hərbi obyektlərə havadan hücum edib. Alyans hərbi təyyarələrin üsyançıların nəzarət etdiyi Misratadan cənubda Tavurqa şəhəri yaxınlığında obyekti hədəf aldığını bildirib. NATO-nun açıqladığı bəyanatda bildirilir ki, Liviya lideri Müəmmar Qəzzafiyə sadiq qüvvələr bu mövqedən Misrata da daxil olmaqla, raket hücumları keçirmək üçün istifadə edirdi. Misrata artıq bir neçə aydır hücumlara məruz qalır. Cümə günü fəallar və tibb işçiləri bildirib ki, hökumətə sadiq qüvvələrin hüumları nəticəsində beş üsyançı ölüb, onlarla üsyançı yaralanıb. Bu arada, üsyançılar paytaxtdan cənubda iki kiçik şəhərə nəzarəti ələ keçirdikdən sonra Tripoli istiqamətində irəliləməyə çalışır.
NATO təyyarələri Misrata yaxınlığında hədəflərə havadan hücum edib
