Liviyanın hakimiyyətdə olan müvəqqəti şurası xarici ölkə rəsmilərilə aylardır Müəmmar Qəzzafiyə qarşı mübarizədən sonra ölkənin bərpasına yardım yollarını müzakirə edirlər. Bu gün Parisdə Liviyanın bərpasına həsr olunmuş iclas keçirilir. Dünənki iclasda dünya liderləri Liviyanın müvəqqəti hökumətinə 15 milyard dollar məbləğində maliyyə yardımının ayrılmasına söz veriblər. Liviyanın bərpası işləri üzrə qrup bu maliyyənin necə sərf olunacağını müəyyən edəcək. Bu arada, Türkiyə Liviyada səfirliyini yenidən açıb. Rumıniya və Rusiya isə Milli Keçid Şurasını Liviyada iqtidarda olan hakimiyyət kimi tanıdığını bildirib.
