Accessibility links

Human Rights Watch: "Livan rəsmiləri Beyrut limanında təhlükəli partlayıcı maddə saxlanğından xəbərdar idi"


Human Rights Watch-un hesabatında deyilir ki, Livanın bəzi yüksək səviyyəli rəsmiləri keçən il onlarla insanın ölümü ilə nəticələnən partlayışdan əvvəl Beyrut limanında təhlükəli partlayıcı maddə saxlamağın törədə biləcəyi riskdən xəbərdar olub.

Hesabat Livan rəsmilərinin ötən ilin avqustun 4-də şəhərin mərkəzindəki Beyrut Limanında altı il ərzində qanunsuz şəkildə saxlanılan 2750 ton ammonium nitratın partlamasından bir il sonra açıqlanıb.

Partlayış nəticəsində 214 nəfər ölüb, minlərlə insan yaralanıb və paytaxtın böyük ərazisi dağılıb.

Human Rights Watch müvəqqəti Baş nazir Həssən Diab və dövlət təhlükəsizlik xidmətinin başçısı Toni Saliba da daxil olmaqla, çox sayda Livan rəsmisinin Livan qanunlarına əsasən cinayətə səbəb olan səhlənkarlıq etdiklərinə dair sübutlar olduğu qənaətinə gəldikdən sonra BMT-ni partlayışla əlaqədar araşdırma aparmağa çağırıb.

Qrup hazırda davam edən istintaqa mane olmağa çalışdıqları deyilən rəsmilərə qarşı sanksiyalar tətbiq edilməsini də istəyib.

Bir il araşdırma aparan müstəntiqlər kimyəvi maddələrin kim tərəfindən sifariş edildiyini və məmurların təhlükə ilə bağlı dəfələrlə edilən xəbərdarlıqlara məhəl qoymadıqlarını hələ müəyyənləşdirməyib.

Baş nazir Diab heç bir şərh verməyib. Lakin Saliba agentliyinin rəsmilərə xəbərdarlıq edən hesabatların verilməsi də daxil olmaqla, qanuni olaraq əlindən gələni etdiyini bildirib.

Saliba agentliyinin partlayışdan bir neçə ay əvvəl limanda bir ofis açdığını da qeyd edib.

Digər rəsmilər isə kimyəvi maddələri limanın yurisdiksiyasına daxil olmadığı üçün çıxarılmasını istəmədiklərini deyib.

"Livan rəsmilərinin hərəkəti və hərəkətsizliyi ağılsız bir həyat riski yaratdı" deyə, hesabatda bildirilib.

Dünyaya Baxış

Dünyaya Baxış. Volodimir Zelenskinin köməkçisinə qarşı sui qəsd cəhdi edilib
please wait

No media source currently available

0:00 0:10:00 0:00

Amerika İcmalı

Amerika İcmalı - 17 Sentyabr 2021
please wait

No media source currently available

0:00 0:29:53 0:00
XS
SM
MD
LG