Accessibility links

Liviyada naməlum silahlı şəxslər tərəfindən qaçırılan jurnalist azad edilib


Beş həftə əvvəl Liviyanın ikinci şəhəri Benqazidə naməlum silahlı şəxslər tərəfindən qaçırılan jurnalist Əbdülhafid Əl-Moqasbi cümə axşamı azad edildiyini bildirib.

Noyabrın 22-də işlədiyi "Əl-Həyat" qəzetinin ofisindən aparılan Moqasbi Frans Press Agentliyinə çərşənbə günü azad edildiyini və səhhətinin "yaxşı" olduğunu desə də, qaçırılması və ya azad edilməsi ilə bağlı təfərrüat açıqlamayıb.

Hökumət media orqanlarının bildirdiyinə görə, naməlum şəxslər "Əl-Həyat" ofisinə daxil olaraq, işçiləri "hədələyib" və Moqasbini aparıblar.

Hökumət media orqanının "Əl-Həyat"la bir binada yerləşən şöbəsi həmin şəxslərin şəxsiyyət vəsiqəsi və ya həbs qərarı ilə bağlı sənəd göstərməkdən imtina etdiklərini bildirib.

2011-ci ildə NATO-nun dəstəklədiyi üsyançıların diktator Müəmmar Qəddafini devirməsindən və öldürməsindən bəri Liviya zorakılıq və təhlükəli vəziyyət baş alıb gedir.

Media üzrə mütəxəssislər üsyan zamanı böyük bədəl ödəyib. Belə ki, xaos zamanı bir neçə liviyalı və xarici jurnalist ya hücuma məruz qalıb, ya da qaçırılıb.

Liviya Sərhədsiz Reportyorlar təşkilatının Dünya Mətbuat Azadlığı İndeksində 180 ölkə arasında 165-ci yerdədir.

Şərhlərə bax

Dünyaya Baxış

Dünyaya Baxış. ABŞ və Böyük Britaniya Kyivdəki səfirlik işçilərini geri çağırıb
please wait

No media source currently available

0:00 0:13:02 0:00
XS
SM
MD
LG