Liviya döyüşçüləri Müəmmar Qəzzafinin son istinadgahındakı liderlərlə danışıqlara davam edən zaman NATO qüvvələri Qəzzafi tərəfdarlarının başqa bir istinadgahını bombardman edib.
NATO bu gün döyüş təyyarələrinin Qəzzafinin doğma şəhəri Sirtdə bir neçə tank və başqa zirehli maşınları bombardman etdiyini bildirib.
Son günlərdə ilk döyüşün Sirt şəhəri yaxınlığında olduğu deyilir. Bəni Valid səhra rayonunda Liviya Milli Keçid Şurasının üzvləri cənab Qəzzafinin tərəfdarı olan qəbilə başçılarına təslim olmaq üçün təzyiq göstəridiyi zaman qan tökülməsinə yol verməməyə çalışacaqlarını deyirlər.
