Accessibility links

Luiziana ştatında "Ayda" qasırğası nəticəsində ölənlərin sayı 12-yə çatıb


Luiziana ştatında Ayda qasırğasının qurbanlarının sayı şənbə günü 12-yə yüksəlib. Bu, ABŞ-ın şimal-şərqində su basmış ştatlarda ölən onlarla insanın sayından aşağıdır. ABŞ prezidenti Co Baydenin gələn həftə dəymiş zərəri qiymətləndirmək üçün sel basmış ştatlara səfər edəcəyi gözlənilir.

Nyu York və Nyu Cersidə 44-dən çox adamın ölümünə və Nyu Yorkda ictimai nəqliyyatın dayanmasına səbəb olan selin nəticələrinin Əmək günü bayramı həftə sonu aradan qaldırmağa başlayan şimal ştatları arasındadır. Nəqliyyat operatorları çərşənbə axşamı iş həftəsi başlamazdan əvvəl bəzi xətləri bərpa edəcəklərinə söz verib.

Bayden qasırğanın təxminən bir həftə əvvəl baş verdiyi Luizianaya səfərindən bir neçə gün sonra, onun təsirinə məruz qalmış Nyu Cersi və Nyu Yorku ziyarət edəcək. Ağ Evdən verilən məlumata görə, şimal-şərq bölgəsinə səfərinin dayanacaqları arasında Menvil, Nyu Cersi və Nyu York şəhərinin Qvins bölgəsi yer alacaq.

Qubernator Bel Edvards mətbuat konfransında Luizianada qasırğa nəticəsində təsdiqlənmiş ölüm hallarının sayının şənbə günü 12-yə çatdığını söyləyib. O, bu rəqəmlərin arta biləcəyi ilə bağlı xəbərdar edib, belə ki, çox sayda insan elektrik enerjisi ilə təmin olunmaq üçün 12 nəfərdən dördünün karbon dioksidlə zəhərlənərək ölməsinə səbəb olan generatorlardan istifadə edib.

Qubernatorun sözlərinə görə, Luizianada Ayda qasırğası nəticəsində işıqsız qalan 1,1 milyon nəfərlə müqayisədə hazırda 718,500-dən çox insan hələ də elektriksiz qalıb.

Bayden elektirik enerjisini bərpa etməyə çalışan işçilərin bir kruiz gəmisində yerləşdirilməsinin mümkünlüyünü qeyd etdikdən sonra “Bahamas Paradise” kruiz şirkəti Grand Classica gəmisini Entergy Corp şirkəti ilə nizamnamə müqaviləsi əsasında 1500 işçini yerləşdirmək üçün Nyu Orleana göndərəcəyini bildirib.

"Qasırğa zamanı yardımı və humanitar nizamnamələr əvvəllər bir neçə dəfə etdiyimiz bir işdir və bölgədə elektriksiz qalan minlərlə insana yardımı asanlaşdırmağa kömək edərək, bu şəkildə hərəkətə keçə bildiyimiz üçün qürur duyuruq”, kruiz şirkətinin prezidenti Kevin Şinhan açıqlamasında söyləyib.

Luizianada təzəlikcə öldüyü açıqlanan iki nəfər Tangipahoa dairəsində anbara təxliyə edilən qocalar evinin sakinləridir. Hazırda şəraitin pis olması ilə bağlı məlumatların verilməsindən dövlət tərəfindən təhqiqat başlanıb.

"Təəssüf ki, Tangipahoa müəssisəsinə köçürülən qocalar evi sakinləri arasında 2 əlavə ölümü təsdiqləyə bilərik" - deyə, Luiziana Səhiyyə İdarəsinin şənbə günü Twittter səhifəsində yazılıb. "Bununla bu müəssisəyə köçürülən qocalar evinin sakinləri arasında ölüm hallarının sayı 6-ya çatıb".

4-cü kateqoriyaya aid Ayda qasırğasının bazar günü Luiziana ştatında saatda 276 km. əsən küləklərlə müşayiət olaraq ağacları və elektrik xətlərini dağırmasından təxminən bir həftə sonra bölgədə isti hava şəraiti davam edir.

Amerika İcmalı

Amerika İcmalı - 15 Oktyabr, 2021
please wait

No media source currently available

0:00 0:29:08 0:00
XS
SM
MD
LG