Accessibility links

Müşahidəçi: ABŞ Suriya-İraq sərhədi yaxınlığında mövqelərə zərbələr endirib


ABŞ-ın İraqla sərhəd yaxınlığında Suriyanın şərqində endirdiyi zərbələr nəticəsində İranın dəstəklədiyi ən azı beş militant öldürülüb. Bu barədə hərbi müşahidəçi bazar ertəsi məlumat verib.

"ABŞ-a məxsus döyüş təyyarələrinin hücumu nəticəsində İranın dəstəklədiyi ən azı 5 iraqlı militant döyüşçü öldürülüb və bir neçəsi yaralanıb" - deyə, Britaniyada yerləşən Suriya İnsan Haqlarının Monitorinqi Qrupu bildirib.

Məlumat toplamaq üçün Suriyadakı mənbələr şəbəkəsinə güvənən müharibə müşahidəçisi vurulan hədəflər arasında hərbi mövqelərin olduğunu bildirib.
Suriyanın dövlət xəbər agentliyi SANA bir uşağın öldüyünü və ən azı üç nəfərin yaralandığını bildirib.

Pentaqondan verilən açıqlamada təsdiqlənən zərbələr prezident Co Bayden hakimiyyətə gəldikdən sonra ABŞ-ın Suriyada İranın dəstəklədiyi silahlılara ikinci belə hücumudur.

Pentaqonun açıqlamasında Suriyada iki və İraqda bir yerdə əməliyyat və silah anbarlarını hədəf aldıqları bildirilib. Bu obyektlər Xətaib Hizbullah və Xətaib Seyyid əl-Şuhada da daxil olmaqla, militant qruplar tərəfindən Tehranla sıx əlaqələri olan iki sərt İraq hərbi qrupu tərəfindən istifadə edilirdi.

"Bu obyektlər ABŞ personalına və obyektlərinə qarşı pilotsuz uçuş apparatı hücumları ilə məşğul olan İranın dəstəklədiyi militantlar tərəfindən istifadə olunur" - deyə, Pentaqon sözçüsü Con Kirbi qeyd edib.

ABŞ-ın İraqdakı maraqları son aylarda təkrarən hücumlara məruz qalmışdı, Birləşmiş Ştatlar davamlı olaraq İranla əlaqəli İraq qruplaşmalarını heyətinin yerləşdiyi İraq obyektlərinə qarşı raket və digər hücumlarda günahlandırmışdı.

Müşahidə qrupuna görə, fevral ayında ABŞ-ın İranın dəstəklədiyi militant qrupların istifadə etdiyi Suriyanın şərqindəki obyektlərə endirdiyi zərbələr nəticəsində 20-dən çox döyüşçü həlak olmuşdu.

Pentaqon zərbələrin İraqda bir mülki podratçının ölümü, bir ABŞ hərbi qulluqçusu və koalisiya qüvvələri əsgərlərinin yaralanması ilə nəticələnən raket hücumunun qisası olduğunu deyib.

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG