Accessibility links

Müsəlman qadınların xristianlar üçün əl işləmələri


Fələstinin Qəzza Zolağında olan müsəlman qadınlar ənənəvi cəmiyyətin gücləndirilməsi layihəsi çərçivəsində Pravoslav Miladı üçün əl işlərindən ibarət hədiyyələri hazırlayırlar.

Onların Santa Klaus kuklalarına, oyuncaq Milad ağacları və qırmızı-ağ kuklalarına tətil mövsümündə Qəzza, Betlehəm və İtaliyada yüksək tələbat var.

Qəzzanın 2 milyon əhalisinin əksəriyyəti müsəlman olmasına baxmayaraq, 1000-ə yaxın insan xristian, əsasən də 7 yanvarda Milad bayramını qeyd edən Yunan Pravoslavlarıdır.

"Peyğəmbərimiz bizi bütün dinlərə hörmət etməyə təşviq edib və günlərini qeyd etməkdə onlarla birlikdə olmağı xoşlayırıq," deyə qrupun məhsul dizayneri Leyla Tayeh bildirib.

Tayeh və iş yoldaşları tez-tez evdən kənarda qadınların hərəkətini məhdudlaşdıran Qəzza icmasında işləyən Zayna Kooperativ Birliyinin bir hissəsidir.

Birliyin icraçı meneceri Hanin Alsammak layihənin qadınlara dülgərliklə dərzilik təhsili verməklə bərabər, işlərini tərk etmək və bəzi Milad şənliyini yaymaq üçün imkan yaratdıqlarını qeyd edib. Onun sözlərinə görə, bu, Qəzzanın daxilindəki və xaricindəki xristianlara sevgi mesajıdır.

Qəzzanı Qərb ölkələrinin və qonşu İsrailin terrorçu qrup kimi tanıdığı İslamçı Həmas hərəkatı idarə edir.

Təhlükəsizlik səbəblərinə görə, İsrail Qəzzaya gediş-gəlişi məhdudlaşdıraraq sahilyanı zolaqda dəniz mühasirəsini tətbiq etdiyi üçün oradakı iqtisadiyyat yüksək səviyyədə işsizlikdən və yoxsulluqdan əziyyət çəkir.

Fələstin Mərkəzi Statistika Bürosunun məlumatına görə, 2018-ci ildə Qəzzada qadınların yalnız 26%-i işləyir.

Şərhlərə bax

XS
SM
MD
LG