Accessibility links

Müsavat Partiyası: Bu gün onlarla partiya üzvü polisə çağırılıb


Müsavat Partiyası piket keçirib - 03.11.2017
Müsavat Partiyası piket keçirib - 03.11.2017

Son üç-dörd gün ərzində Bakıda və regionlarda Müsavat Partiyasının yüzdən çox fəalı polis idarə və şöbələrinə çağırılaraq partiyanın noyabrın 12-nə təyin etdiyi aksiyada iştirak etməmələri ilə bağlı xəbərdarlıq edilib. Polis aksiyada iştirak edənlərin məsuliyyətə cəlb olunacağını bildirib.

Bu barədə Müsavat Partiyasının mətbuat xidmətindən Amerikanın Səsinə bildiriblər.

“Hazırda da fəalların polisə çağırılması davam edir. Noyabrın 11-də səhər saatlarından başlayaraq onlarla fəal polisə çağırılıb. Bu saatlarda, yalnız, Mingəçevir şəhərində 6 fəal polis şöbələrindədir,” mətbuat xidmətinin rəhbəri Mustafa Hacılı Amerikanın Səsinə deyib.

Onun sözlərinə görə, partiya üzvlərindən hələ məsuliyyətə cəlb edilən yoxdur.

Mustafa Hacılı noyabrın 12-də saat 15-də Bakı şəhər İcra Hakimiyyətinin binası qarşısında piketin keçirilməsi ilə bağlı partiyanın qərarının qüvvədə olduğunu bildirib.

Bakı Şəhər İcra Hakimiyyəti Müsavat Partiyasının noyabrın 10-na təyin etdiyi mitinqin şəhərin hüdudları daxilində keçirilməsinə razılıq verməkdən imtina edib və aksiyanı Lökbatan qəsəbəsində keçirməyi təklif edib.

Partiya mitinqi ləğv edib və noyabrın 12-də şəhər administrasiyasının binası qarşısında piket keçirəcəyini bildirib. Amma icra hakimiyyəti bu piketə razılıq verməkdən imtina edib. Buna baxmayaraq, Müsavat rəhbərliyi şəhər administrasiyası qarşısında aksiya keçirəcəyini bəyan edib.

Rəsmi qurumlar Müsavat Partiyasının fəallarının polisə çağırılması ilə bağlı hələ açıqlama verməyib.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG