Britaniya baş naziri Teresa Meyin ABŞ prezidenti Donald Trampa ABŞ-ın Mançester hücumunun təhqiqatları ilə bağlı detalları mətbuata sızdırmasına dair narahatlığını ifadə edəcəyi gözlənilir.
Tramp bu gün səhər NATO sammitindən əvvəl Avropa İttifaqı Şurasının prezidenti Donald Taskla və Avropa Komitəsinin rəhbəri Jan Klod Yunkerlə Avropa Birliyinin baş qərərgahında görüş keçirib.
Tramp terrorizmi dünyanın üzləşdiyi birnömrəli problem adlandırıb və terrora qarşı mübarizədə böyük irəliləyiş əldə edildiyini bildirib.
BBC-nin verdiyi məlumata görə, Mançester hücumunu təhqiq edən polis məsələnin mətbuata sızmasından qəzəblənərək təhqiqatlarla bağlı məlumatı amerikalı həmkarları ilə bölüşməyi dayandırıb.
Reuters xəbər agentliyi bildirib ki, polis məlumatının Birləşmiş Ştatlarla bölüşmə prosesinin dayandırılması rəsmi Vaşinqton məlumatın sızdırılmasının dayandırılacağına dair əminlik ifadə edənədək qüvvədə qalacaq.
