Azərbaycanlı fotoqraf Mənuçehr Diqqəti Assoşieyted Press agentliyinin Yaxın Şərq regionu üzrə foto-redaktoru vəzifəsinə təyin edilib. Qahirədə qərargahlanan bu vəzifədə Mənuçehr Diqqəti agentliyin Yaxın Şərq, habelə Əfqanıstan və Pakistanda çəkilmiş bütün foto layihələrinə rəhbərlik edəcək.
Mənuçehr Diqqəti 1954-cü ildə Urmiyada anadan olub. 56 yaşlı fotoqraf faəliyyətə Fransanın Agence Press agentliyində başlayaraq, 1979-cu ildə İranda islam inqilabından sonrakı illər haqda foto-reportajlar hazırlayıb. 30 illik fəaliyyəti ərzində o, dünyanın ən mürəkkəb və münaqişəli regionlarında çalışıb, foto-jurnalistika sahəsində çox yüksək mükafatlara layiq görülüb.
Mənuçehr Diqqəti son zamanlar Bakıda fəaliyyət göstərib. O, humanitar layihərlədə iştirak edərək, Əfqanıstanda Kabildə AİNA jurnalistika institutunun təsisçilərindən biri olub.