Prezident Co Bayden bu həftə Vaşinqtonda jurnalistlərə açıqlamasında Rusiyanın Belarus və Ukrayna sərhədi boyu hərbi qüvvə cəmləşdirməyə davam etdiyini bildirərək, Birləşmiş Ştatlar və NATO-nun Şərqi Avropada çəkindirmə səylərini gücləndirməyə hazır olduğunu deyib. ABŞ prezidenti bununla belə Ukraynaya Amerika hərbi qüvvələrini gödərməyəcəyini deyib. Rəsmi Vaşinqton həmçinin Ukraynaya müdaxilə etdiyi təqdirdə prezident Putinin özünə qarşı sanksiyaların tətbiq edilə biləcəyini bildirib. ABŞ Dövlət katibinin Avropa və Avrasiya məsələləri üzrə keçmiş yardımçısı olmuş səfir Metyu Brayza Amerikanın Səsinə müsahibədə ABŞ-ın Ukrayna böhranının həllində diplomatik səylərini şərh edib.