Bakıda Tacikistan kinosu günləri keçiriləcək
Kino günləri çərçivəsində Nizami Kino Mərkəzində 5 bədii və 5 sənədli film nümayiş olunacaq
Martın 9-dan 14-dək Azərbaycan Mədəniyyət və Turizm Nazirliyi tərəfindən Bakıda Tacikistan kinosu günləri keçiriləcək.
Nazirliyin mətbuat xidmətinin məlumatına görə? “Tacikfilm” kinostudiyasının direktoru, kinorejissor Nosir Saidov, kino tənqidçisi Sadullo Rəhimov, Tacikistanın xalq artisti Sayram İsayeva və aktyor Abdukarim Maşrabovdan ibarət nümayəndə heyəti Azərbaycana səfər edəcək.
Kino günləri çərçivəsində Nizami Kino Mərkəzində 5 bədii və 5 sənədli film nümayiş olunacaq.
Tacikistan kinosu günlərinin açılış mərasimində - martın 10-da Nizami Kino Mərkəzində Nosib Saidovun “Müəllim” bədii filmi təqdim ediləcək.