Azərbaycanın xalq artisti Zərnigar Ağakşiyeva vəfat edib. 72 yaşlı xalq artistinin cəsədi vəfat etdikdən üç gün sonra tənha yaşadığı mənzildə aşkar edilib.
Fövqəladə Hallar Nazirliyi bildirir ki, fevralın 8-də nazirliyin Xüsusi Riskli Xilasetmə Xidmətinin xilasetmə qüvvələri xalq artistinin mənzilinin qapısını açıb və orada Zərnigar Ağakişiyevanın cəsədini aşkar edib.
Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin direktoru Ədalət Həsənov Report agentliyinə bildirib ki, eskpertizanın ilkin rəyinə əsasən Zərnigar Ağakişiyeva fevralın 8-dən azı 2-3 gün əvvəl dünyasını dəyişib.
Zərnigar Ağakişiyeva Azərbaycanda tanınmış aktirisalarındandır. O bir çox tamaşalarda və filmlərdə aparıcı rolları ifa edib.