Accessibility links

Ərdoğan və Bayden İndoneziyada keçirilən G20 sammiti çərçivəsində görüşüblər


Türkiyə Prezidenti Rəcəb Tayyib Ərdoğan və ABŞ prezidenti Co Bayden İndoneziyanın Bali adasında keçirilən G20 liderlər sammiti çərçivəsində görüş baş tutub.

Mətbuat üçün qapalı keçirilən görüşdə ikitərəfli münasibətlərlə yanaşı, Ukraynada müharibə diqqət mərkəzində olmaqla beynəlxalq məsələlərin müzakirə edildiyi təxmin edilir.

Kommunikasiya Nazirliyi tərəfindən verilən açıqlamada Bayden və Ərdoğanın görüşdə ikitərəfli əlaqələri, xüsusilə ticarət və təhlükəsizlik məsələlərini müzakirə etdiyi bildirilib.

Açıqlamada ABŞ Prezidenti Baydenin İstanbulun İstiqlal küçəsində törədilən terror aktında həyatını itirənlərə başsağlığı verdiyi bildirilir. Prezidenti Baydenin Rusiya ilə Ukrayna arasında taxıl dəhlizi ilə bağlı problemlərin həlli və daşınmaların bərpası istiqamətində göstərdiyi səylərə görə prezident Ərdoğana təşəkkür etdiyi qeyd edilir. Eyni zamanda, Türkiyə ilə ABŞ arasında F-16 prosesinə dəstəyin davam etdiriləcəyini ifadə edən Baydenin Türkiyənin İsveçin NATO üzvlüyü prosesində mühüm oyunçu olduğunu ifadə etdiyi bildirilir.

Ağ Evin açıqladığı bəyanatda Prezident Bayden G20 sammiti çərçivəsində Prezident Ərdoğanla görüşdüyü bildirilir.

"Prezident Bayden Prezident Ərdoğana və Türkiyə xalqına İstanbulda baş verən zorakılıqlara görə dərin hüznlə başsağlığı verdiyi qeyd edilib və NATO müttəfiqimizin yanında olduğumuzu açıq şəkildə bildirib. Prezident Bayden Rusiya müharibəsi zamanı qlobal ərzaq təhlükəsizliyinin yaxşılaşdırılması üçün kritik əhəmiyyətə malik olan Qara Dəniz Taxıl Təşəbbüsünün davam etdirilməsi ilə bağlı razılaşdıqları yenilənmə səylərinə görə Prezident Ərdoğana təşəkkürünü bildirib. Prezidentlər, həmçinin NATO müttəfiqliyi məsələlərində və digər regional və qlobal məsələlərdə yaxın koordinasiyanın saxlanmasını müzakirə ediblər”.

Ərdoğan ötən həftə Türkiyənin ABŞ-dan F-16 qırıcıları və modernizasiya dəstləri alması ilə bağlı müsbət xəbərlərin olduğunu açıqlayıb.

G20 sammiti çərçivəsində Baydenlə görüşən Ərdoğan Fransa prezidenti Emmanuel Makronla da görüşüb.

XS
SM
MD
LG