Accessibility links

Ali Məhkəmə Taleh Bağırzadə, Fuad Qəhrəmanlı və digərlərinin kassasiya şikayətini təmin etməyib [Vəkil Nemət Kərimli ilə müsahibə]


Taleh Bağırzadəyə azadlıq! şüarı
Taleh Bağırzadəyə azadlıq! şüarı

Ali Məhkəmənin qərarından Avropa Məhkəməsinə şikayət ediləcək

Martın 1-də Azərbaycan Ali Məhkəməsi hakim Şahin Yusifovun sədrliyi ilə "Müsəlman Birliyi” Hərəkatının həbsdə olan sədri Taleh Bağırzadə, Azərbaycan Xalq Cəbhəsi Partiyasının (AXCP) sədr müavini Fuad Qəhrəmanlı və digər 9 nəfərin məhkəmə qərarından verilən kassasiya şikayətini təmin etməyib.

Məhkəmədə həbsdə olan məhkumlardan yalnız ikisi - Abbas Hüseynov və Abbas Quliyev iştirak edib. Digər məhkumlar, o cümlədən Taleh Bağırzadə və Fuad Qəhrəmanlı məhkəmədə iştirak üçün müraciət etməyib.

Gündüz Ağayevin "Nardaran işi" məhkəməsi illisturasiyası
Gündüz Ağayevin "Nardaran işi" məhkəməsi illisturasiyası

Vəkil Nemət Kərimli Amerikanın Səsinə müsahibəsində bildirib ki, hakim qərarın nəticə hissəsini elan edib.

“Bu səbəbdən məhkəmənin qərarını necə əsaslandırdığı bizə məlum olmadı”, o qeyd edib.

Vəkil Nemət Kərimlinin Amerikanın Səsinə müsahibəsi
please wait

No media source currently available

0:00 0:01:13 0:00

Onun sözlərinə görə, məhkəmədə iştirak edən Abbas Hüseynov çıxışında Nardaran hadisələri ilə bağlı həbslərin siyasi sifariş olduğunu bildirib.

Kərimli deyib ki, müdafiə tərəfi çıxışında iki arqument üzərində dayanıb.

“Biz sübutların yolverilməz olduğunu və həbs edilən şəxslərin əməlində cinayət tərkibinin olmadığını məhkəmənin diqqətinə çatdırdıq”.

Ali Məhkəmənin qərarından Avropa Məhkəməsinə şikayət ediləcək.

2015-ci il noyabrın 26-da polis Nardaranda xüsusi əməliyyat keçirib, nəticədə Taleh Bağırzadə və onun tərəfdaşlarından ibarət qrup həbs edilib. Bir neçə gün ərzində ümumilikdə 70-dən çox insan həbs edilib, sonradan onlar bir neçə qrup halında müxtəlif müddətli azadlıqdan məhrumetmə cəzalarına məhkum edilib.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG