Meksikada müəllimlər etiraz aksiyası keçirir

Meksikada minlərlə məktəb müəllimi hökümətin islahat siyasəti əleyhinə etiraz aksiyası keçirir.

Nümayişlər paytaxt Mexikoda nəqliyyatın dayanmasına səbəb olub.

Müəllimlərin Həmkarlar İttifaqı müəllimlərin səriştəsini yoxlamaq üçün testlərin standartlaşdırlımasına dair hökumətin tələblərinin əleyhinə çıxıb.

Müəllimlər valideynlər və şagirdlərin də dəyərləndirmələrinin nəzərə alınmasını istəyir.

Hökumət testi keçə bilməyən müəllimlərin qeyri-tədris fəaliyyəti ilə məşğul olacağını bildirib.