Accessibility links

Merck şirkəti eksperimental həbinin COVID-19-un ən ağır təsirlərinin qarşısını aldığını deyir


Merck & Co. şirkəti cümə günü eksperimental COVID-19 dərmanının bu yaxınlarda koronavirusa yoluxmuş insanlarda xəstəxanaya yerləşdirilmə və ölüm hallarını yarıya qədər azaltdığını bildirib. Şirkət tezliklə ABŞ və bütün dünyanın səhiyyə rəsmilərindən dərmanın istifadəsinə icazə vermələrini istəyəcəyini bildirib.

İstifadəsinə icazə verilərsə, Merck-in dərmanı COVID-19-u müalicə edən ilk həb və pandemiya ilə mübarizədə potensial olaraq böyük bir irəliləyiş ola bilər. İndi ABŞ-da icazə alan bütün COVID-19 müalicə metodlarında inyeksiyadan istifadə olunur.

Merck və ortağı Ridgeback Biotherapeutics şirkətinin sınaqdan keçirdiyi COVID-19 dərmanının xəstəliyin məlum variantlarına qarşı təsirli olduğunu bildirib. Şirkət çərşənbə günü bildirib ki, erkən mərhələdəki klinik sınaqlar yeni Molnupiravir dərmanının ilkin diaqnoz qoyulduqdan sonra beş gün müddətində xəstələrə verildikdə müsbət təsir göstərib.

Araşdırmalar COVID-19-a yoluxmuş piylənmə, diabet və ya ürək xəstəliyi kimi sağlamlıq problemləri olan 775 yetkin üzərində aparılıb.

Merck-in bildirdiyinə görə, Molnupiravir qəbul edən xəstələrdən 7,3% -i ya xəstəxanaya yerləşdirilib, ya da 30 gün müddətində ölüb. Plasebo qəbul edənlərdə bu göstərici 14.1%-dir. O vaxtdan bəri plasebo qrupundakı 8 ölümdən başqa dərman qəbul edənlər arasında ölüm halı qeydə alınmayıb.

Araşdırmanı izləyən müstəqil tibbi ekspert qrupu aralıq nəticələr çox güclü olduğu üçün erkən istifadənin dayandırılmasını tövsiyə edib. Şirkətin rəhbərləri Ərzaq və Dərman İdarəsi ilə müzakirə etdiklərini və nəticələri yaxın günlərdə nəzərdən keçirməyi planlaşdırdıqlarını bildirib.

Şərhlərə bax

Amerika İcmalı

Amerika İcmalı - 15 Oktyabr, 2021
please wait

No media source currently available

0:00 0:29:08 0:00
XS
SM
MD
LG