Microsoft şirkəti öz bloqunda ötən il SolarWinds-a genişmiqyaslı kiberhücumunun arxasında duran Rusiya agentliyinin indi yüzlərlə şirkət və təşkilatı hədəf alan ABŞ kompüter sistemlərinə hücum dalğası həyata keçirdiyini bildirib.
Oktyabrın 24-də Microsoft, Rus Nobelium qrupunun son hücum dalğasının bulud (cloud) xidmətlərinin "satıcıları və digər texnologiya xidmət təminatçılarını" hədəf aldığını açıqlayıb. Şirkətdən verilən məlumata görə, hücumlar keçən yaz başlayan daha geniş bir kampaniyanın bir hissəsidir. Microsoft həmçinin, 1 iyul - 19 oktyabr tarixləri arasında 609 müştəriyə hücuma məruz qaldığını söylədiyini bildirib. Microsoft New York Times nəşrinə verdiyi açıqlamada, bu cür cəhdlərin yalnız kiçik bir hissəsinin müvəffəqiyyətli olduğunu qeyd edib.
Bu məlumatları təsdiqləmək üçün ABŞ kibertəhlükəsizlik xidmətlərinin nümayəndələri ilə əlaqə saxlamaq mümkün olmayıb.
ABŞ rəsmiləri New York Times qəzetinə danışaraq sözügedən haker hücumları dalğasının hazırda meydana gəldiyini təsdiqləyib; adının çəkilməsini istəməyən yüksək səviyyəli bir idarə rəsmisi bu əməliyyatı "bulud təminatçılarının əsas kiber təhlükəsizlik təcrübələrini tətbiq etsəydi, qarşısı alına biləcək sadə, rutin əməliyyatlar" adlandırıb.
Onun sözlərinə görə, Microsoft şirkətinin sitat gətirdiyi kimi, bu hərəkətlər "Rusiyanın texnoloji təchizat zəncirinin müxtəlif nöqtələrinə uzunmüddətli sistemli şəkildə daxil olmaq və bu gün və ya gələcəkdə Rusiya hökumətinin hədəfləri izləmək üçün bir mexanizm yaratmaq istədiyinin daha bir sübutudur"
Bu arada, Mandiant kibertəhlükəsizlik şirkətinin baş vitse-prezidenti və CTO -nun direktoru Çarlz Karmakal 2021-ci ildə mütəxəssislərinin rusiyalı hakerlərin arxasında olduğu iddia edilən çoxsaylı həkləri araşdırdığını deyib.
