Accessibility links

Milanda Luka Volontenin işi üzrə məhkəmə başlayıb


İyunun 3-də Milanın Ədalət Sarayında Avropa Şurasının Hüquq məsələləri və insan hüquqları üzrə parlament komitəsinin keçmiş sədri Luka Volontenin işi üzrə məhkəmə prosesi başlayıb. O, Azərbaycan hakimiyyətindən digər Avropa Şurası Parlament Assambleyasının (AŞPA) deputatlarını ələ almaq üçün böyük məbləğdə rüşvət almaqda ittiham olunur.

Turan agentliyi bildirir ki,məhkəmə prosesində ittiham tərəfindən ekspert kimi Azərbaycanın Avropa Şurasındakı nümayəndəliyinin keçmiş rəhbəri, Avropa Şurasında daimi nümayəndə Arif Məmmədov iştirak edir.

Təhlükəsizlik məqsədilə o, İtaliya hüquq-mühafizə orqanları tərəfindən gücləndirilmiş mühafizə ilə təmin edilib. Ümumilikdə məhkəmənin, xüsusən Volontenin özünün ətrafında misli görünməmiş təhlükəsizlik tədbirləri görülüb.

İtaliyalı deputat Luka Volonte "kürü diplomatiyası" qalmaqalının - beynəlxalq "Avropa sabitlik təşəbbüsü" QHT-nin araşdırmasının fiqurantıdır. O, Azərbaycandan 2,3 milyon avro almaqda, bu məbləği 2013-cü ilin yanvarında Azərbaycanda siyasi məhbuslar haqqında məruzənin qəbul edilməməsi məqsədilə bir sıra AŞPA deputatlarının cəlb edilməsinə yönəltməkdə ittiham olunur.

2016-cı ildə Milan Prokurorluğu Volonteyə qarşı ittiham irəli sürərək, araşdırmaya başlayıb.

XS
SM
MD
LG